Gaia: bertsoparranda

««Itzuli blog osora

'Jolin' nagusi Azkoitian

Zurteko saioa bertsoparranda | Erniarraitz |  2006/11/20  11:16

                                 

Azpeitian jokatutako bi kanporaketak bezalaxe Azkoitian ere oso arrakastatsua gertatu zen hirugarren kanporaketa. Taberna leporaino beteta eta halako beroa zenez izan zen bat baino gehiago txakal-aldia eman eta kanpora irten beharrean. Jende gaztearentzat erakarmen berezia dute Bertso Parrandako saio hauek, argi dago gauza hori, eta zerbait antolatzen duenak horixe nahi izaten du.

Bi talde oso desberdinak, JOLIN Jokin Uranga eta bere bi ikasle, Lide Rekondo eta Nekane Zinkunegi. Oilar ekin zioten agurretan, hala sentitzen zirelako baino gehiago behar bada beren buruei indarra emateagatik. ZAHARRAK, Josu Azpillaga, Eduardo Kaminburu eta Joxin Iturrioz, apalago azaldu ziren, beharrik gabeko hanka-sartzerik ez egiten ikasitakoen eskarmentuz. Talde bakoitzetik bertsolari bana nabarmendu zen, Jokin Uranga batean eta Josu Azpillaga bestean. Esan beharrik ez dago Josu Azpillagak berak gehiago harritu zuela jendea, Jokin Uranga ez bezala inon ez dabilen bertsolaria baita. Jendearen ustez beste erronka batzuetan ere azaldu behar luke Josuk, badu-eta kategoria, baina horixe izan ordea berak bere buruari ematen dion maila, eta hori ere errespetatu beharra dago. Bi neskak bezala bi beteranoak ere urduritasunak menderatu ezinez ibili ziren, batzuetan asmatuz eta beste batzuetan hala moduz, baina ez zuten erritmorik eten eta saio entzungarria izan zen. Bertsolariek agurrak epaia jakin aurretik kantatzen dituzte eta JOLIN taldeak galtzailetzat jo zuen bere burua, bertsoz adierazi zutenez. Epaia ez zegoen bada garbi eta epaileek lan estua izan zuten, baina haiei zegokien erabakia ematea eta JOLIN  taldeari eman zioten aurrerako aukera. Batzuek pozik eta beste batzuek harrituta beren lagunek irabazi uste/nahi zutelako. Beteranoak pozik larritasunak amaitu zitzaizkielako eta baita gazteak ere hurrengoan hobeto egin dezaketela sinistuz. JOLIN taldeak datorren ostiralean sailkatzen denarekin neurtuko ditu indarrak finalerdietan, Azkoitian, ETXE AITZEn.

Hurrengo kanporaketa beraz:

 ♦    Azaroak 24, MENDIZALEAK (AZPEITIA): Gaueko 11:00etan

 MIRUT:

·        Mikel Berasategi

·        Ruben Gorrotxategi

·        Tibalt Alberdi

XAPIOS:

·        Xabier Azpillaga

·        Jokin Sudupe “Pio”

     ·        Silvia Etxaniz

AURKEZLEA: Mikel Arregi

EPAILEAK:Lope, Ixabel

Lotura zuzena  |  Erantzun

 

Aurrera doa Bertso Parranda

Txarrantxako Saioa bertsoparranda | Erniarraitz |  2006/11/13  13:20

                                
BERTSO PARRANDAKO BIGARREN KANPORAKETA

Bertso Parrandaren bigarren ekitaldia ere lehenbizikoa bezain arrakastatsua gertatu da Azpeitian, Txarrantxa tabernan oraingoa. Ordubete lehenagotik taberna beterik zegoen, baina gerora sartzen joan zirenek ere barruan aurkitu zuten lekua. Ez da erraza, zenbat jende izango zen kalkulatzen. Bazen kanpotik, leihoa zabalduta entzuten egon zenik ere.

BAX eta MAK taldeen artean zen oraingo neurketa, bakoitza bere jarraitzaile zaratatsu eta sutsuekin. Talde bakoitzaren lehenbiziko bi ariketatan ez zen alderik nabarmendu, hau da, ofiziotakoan eta bakarkakoetan pare-parean aritu ziren. BAX taldeko Aitor eta Josuren debuta, Beñat beteranoaren babesean arrakastatsu ari zen gertatzen eta MAKeko beteranoek ez zieten alderik ateratzen, iaz finalistak izan ziren hauek. Puntutan MAK taldeak ‘zakarrontziari’, hau izan baitzen beren gaia, etekin gehiago atera zion ordea, BAX taldeak ‘erretzaile izan eta bertso afarian erretzerik ez izatearen egoerari’ baino. Hortxe atera zioten aldea eta beraz finalerdietarako sailkatuta daude MAK taldea osatzen duten Ministro, Ander Urbieta eta Kurku. Saioa azkarregi amaitu zitzaion nonbait jendeari eta bukaerako agurrak eta emaitzak jakinarazi orduko, jendea “beste bat!”, “beste bat!” oihuka hasi zen. Ministrok eta Beñat Lizasok ase zuten jendearen neurketa gosea, buruz buruko saio batekin, tartean desafio kutsua eta guzti erakutsiz, baina neurketa egiteko ez ziren baldintzatan ados jarri, apustu askotan gertatu ohi den bezala, eta horretan gelditu zen dena.

Datorren ostiralean dugu hurrengo neurketa, jendearen arrakasta ziurtatua izango da han ere.

♦    Azaroak 17, ZURT (AZKOITIA):  Gaueko 11:00etan 

JOLIN:

·        Jokin Uranga

·        Lide Rekondo

·        Nekane Zinkunegi

ZAHARRAK:

·        Josu Azpillaga

·        Eduardo  “Kaminburu”

·        Joxin Iturrioz

AURKEZLEA: Miren Segurola

EPAILEAK: Karmelo, Juantxo

 

Lotura zuzena  |  2 erantzun. Azkena: laxaro | 2006-11-14 | 17:23

 

Bertso Parranda

Orkatzeko saioa bertsoparranda | Erniarraitz |  2006/11/6  11:41

                                      

BERTSO PARRANDA 2006

Hasiera ezin hobea eman dio aurtengo ekitaldiak. Orkatz lepo beteta, Erdi-kalean ere bazen jendea saioa entzuten barrura sartu ezinez geldituta, bertsolariak behar duen urduritasun puntu horrekin eta entzuleak errespetu handiz, entzunez, bertsolaria lagunduz eta gogotik txalotuz. Oso ondo entzun zen saioa. Entzule  gisa gozatzekoa, nesken ausardia eta zorroztasuna, mutilen zenbait une distiratsu. Orokorrean saio polita eta entzungarria izan zen. Hasiera honek iragartzen digu aurten ere saio guztietan tabernak lepo beteko direla eta finalean zer esanik ez. Saioan izandako gauzatxoren bat aipatzeko nesken taldeko Leire Ostolazak, hitza OLATUA gai modura emanda, honako bertso hau bota zuen:

 

Ur haudietan berdinak dira
lehena eta biharra,
hondar gainean jarri ezkero
zein eder bere marmarra,
haizearekin aurpegiraino
etortzen zaigu aparra,
batzutan laztan suabea degu
bestetan berriz indarra.
Hauxe da behin joan arren berriro
itzultzen zaigun bakarra.

Bukaerako agurretan neskak jakitun ziren lan on xamarra egin ote zuten eta nagusi zirela esan zuten lotsagabe. Epaile lanak German eta Aiertzak egin zituzten eta azken honek bertsoz adierazi zigun epaia:

 

Parrandazale, astuna izan da
seikote hau epaitzia,
bolada baten pentsatu degu
Garzon berari deitzia.
Azkenerako kostata baina
atera da sententzia:
Puntu erdi bat bakar bakarrik
zegoen diferentzia,
beragatikan neskek daukate
aurrerako lizentzia.

Hurrengo saioa

Azaroak 10, TXARRANTXA (AZPEITIA): Gaueko 11:00etan                                                             

BAX:

• Beñat Lizaso
• Aitor Zinkunegi
• Josu "Xenpelar"

MAK:

• "Ministro"
• Ander Urbieta
• "Kurku"
  

AURKEZLEA: Aitzol Iparragirre

EPAILEAK: Jose Migel, Manuel

Lotura zuzena  |  Erantzun

 

Bertso Parranda 2006, badator!

Saioak eta partaideak bertsoparranda | Erniarraitz |  2006/10/30  10:35

KANPORAKETAK

 
♦   Azaroak 3, ORKATZ (AZPEITIA):

Gaueko 11:00etan                                                                       

NESKAK:

·        Leire Ostolaza

·        Eneritz Arzallus

·        Eneritz Artetxe

TXANBOIEK:

·        “Xubi”

·        Xabier Olaizola

·        Arkaitz Zelaia

AURKEZLEA: Ainara Betegi

EPAILEAK: German, Aiertza

 

♦    Azaroak 10, TXARRANTXA (AZPEITIA):

Gaueko 11:00etan                                                             

BAX:

·        Beñat Lizaso

·        Aitor Zinkunegi

·        Josu “Xenpelar”

MAK:

·        “Ministro”

·        Ander Urbieta

·        “Kurku”

AURKEZLEA: Aitzol Iparragirre

EPAILEAK: Jose Migel, Manuel

 

♦    Azaroak 17, ZURT (AZKOITIA): 

Gaueko 11:00etan                                                         

JOLIN:

·        Jokin Uranga

·        Lide Rekondo

·        Nekane Zinkunegi

ZAHARRAK:

·        Josu Azpillaga

·        Eduardo  “Kaminburu”

·        Joxin Iturrioz

AURKEZLEA: Miren Segurola

EPAILEAK: Karmelo, Juantxo

 

♦    Azaroak 24, MENDIZALEAK (AZPEITIA):

Gaueko 11:00etan

MIRUT:

·        Mikel Berasategi

·        Ruben Gorrotxategi

·        Tibalt Alberdi

XAPIOS:

·        Xabier Azpillaga

·        Jokin Sudupe “Pio”

·        Silvia Etxaniz

AURKEZLEA: Mikel Arregi

EPAILEAK:Lope, Ixabel

 

FINALERDIAK

 

♦    Abenduak 1, ETXE-AITZ (AZKOITIA):

Gaueko 11:00etan

AURKEZLEA: Idoia Alberdi

EPAILEAK: Izendatzeko

♦     Abenduak 15, TRINTXERA (ERREZIL):

Gaueko 11:00etan

AURKEZLEA: Gorka Tolosa

EPAILEAK: Izendatzeko

 

FINALA

 ♦     Abenduak 29, GAZTETXEA (AZPEITIA):

Gaueko 11:00etan

AURKEZLEA: Aritz Arzallus

EPAILEAK:Lazkano, Gorrotxategi, Loidi Saletxe

Lotura zuzena  |  Erantzun