Hilabete honen zain

ERANTZUNAK

1.  turbix - 2008-07-17 | 20:53 Uztaila etortzen da festa giroz grabe, ondo pasa nahi degu ezta nobedade, baina dena ez dago orain gure alde. Patrikak hutsak edo zulatuta daude. Parrandaik ein al laike dirurikan gabe? 2.  Motx - 2008-07-18 | 10:48 Jende askorengana heldu da krisia, aberats jendea're kezkatzen hasia, murrizten ari zaie non irabazia, baina jende pobreak du ezin bizia, horretan motz gelditzen da demokrazia. 3.  turbix - 2008-07-18 | 13:06 Aberats kontuenak ez dio ardura, aurten ez dute jango gazteon kontura. Zerbait gomendatzeko garaia heldu da: dirurik gastau gabe pozik ta gustura, eran dezagun denok iturriko ura. 4.  Motx - 2008-07-18 | 15:15 Turbixek egin digu uran propaganda. Urritu ote leike zurrutan demanda, hala ez da ibiliko jendea edanda, baina zail sinistea egia esanda. Nolakoa ote da uraren parranda? 5.  Motx - 2008-07-18 | 16:16 Alkoholaren kulturan murgilduta gaude sagardo, txakolina ta ardoa lege, zerbeza ta kubatak parrandan errege, urak badu berekin hamaika mesede, baina ur hutsez ez dabil ziklistarik ere. 6.  turbix - 2008-07-21 | 21:02 Urarekin ahaztu resaka gogorra, goizare izan leike goxo ta jatorra. Proba zazu behin behintzat Motx-txo egoskorra, baina kontuz ibili bertsolai bizkorra, senda ezina bait da uraren moskorra. 7.  Motx - 2008-07-22 | 17:17 Ez uste arren ni naiz horen jakituna, ezaguna zait alkol gabeko eguna, ez naiz festa-zalea gauza ezaguna, jasan zaila delako xurrutan jarduna, baina afari goxoen egoskor laguna. 8.  turbix - 2008-07-22 | 21:41 Uste det berriz hanka sartua detela, festa-zale ez zara esango nun..., bela! Espero zintudan nik juergista itzela, ez det esan nahi orain neu hala naizela, ze dena edaten det nik ura bezela. 9.  Motx - 2008-07-23 | 11:23 Negozio itzela alkoholan ondoren, ikusi festaz festa hau nola dabilen. Jende asko bizi da sare hortan herren, beraz motorran berri jakin behar da lenen, ze karburanterekin dabilen ondoen. 10.  turbix - 2008-07-23 | 21:23 Nik diesela daukat, estua arnasa, baina eztarritikan urik ezin pasa. Kalte egiten dula hartu diot traza, hortzak garbitzekore likido eskasa, hobe kalimotxua, bestela Gin-kasa. 11.  Motx - 2008-07-24 | 10:10 Kalimotxo, gin-kasa nolako parea, etzaituzte jarriko lasai ta barea, hoiekin zabiltzala sarri da parrea, baina biharamona ohi dute errea. Urarena beti da aje dotorea. 12.  turbix - 2008-07-24 | 20:09 Nahiz biharamunean burua igurtzi, ta penaz begiratu bi poltxiko hutsi, behin ondo pasatzea ere ez da gutxi, aukeran nahiago det gaur gibela hautsi, gaur egin daitekena biharko ez utzi.

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut