Festa, zoriona ta...

ERANTZUNAK

1.  Motx - 2007-12-18 | 10:33 Bertsorarako gosez inor badabil hor, gaia jartzeko asmoz Motx hementxe dator. Illunbeko giroa ez dakigun agor, baina lehendabiziko gizalegeai zor: Zorionak Beñat ta zorionak Aitor! 2.  JUANTXO - 2007-12-19 | 12:30 Txapelketa aitzaki arturikan GARAk bertso joko bat sortu zezen da korridak han txapeldun izandu dira Azpeitiarrak emen beti bezela betiko kaxkarrak orain non zerate ba maletillatarrak. 3.  Motx - 2007-12-19 | 12:51 Azpeitin noski bada hain jende abille, zenbait gauzatarako ez da jende hille, bat edo beste dala nonahi bada mille. Non hasi behar da ba jende horren bille? Sariaren usaia al zan eragile? 4.  turbix - 2007-12-19 | 19:03 Txapeldun izan giñen hori da egia, bertsotarako lagun ona da saria, Garan agertzeare a ze oparia, baina bertso-jokoak pasatuak dia, ta zuek potroik gabe, krixton inbidia. 5.  JUANTXO - 2007-12-19 | 19:48 Koño agertu dira hala jangoikua baina hola ez jardun ez da tajuzkua anka sartua dezu tamalez nahikua potroak ote dira bertsotan gakua hamaika on badago potro gabekua. 6.  Pottoko - 2007-12-19 | 21:24 Hasi behar badegu txapelketarekin ni harritu egin naiz dauden emaitzekin. Atera ziren Urko, Lizaso ta Jokin baina hiruretatik inor pasa ezin aurten zer pasatu da Azpeitiarrekin. 7.  xabier - 2007-12-19 | 23:20 Potrorik gabekoa da txapeldun ohia baina gaur hark jo baietz Betarratan goia nola guk ez daukagun dezuten galoia Maletilok ez degu hartu nahi jipoia blog hontan oso goian bait dago listoia 8.  Motx - 2007-12-20 | 11:06 Haizak Turbix laguna ez hadi haizatu, ta zezenketa jerga ez heuretzat hartu. Zerbait esan behar ta potroak aipatu, bertso horretan diguk hanka ondo sartu. A, ta heure itzalai ondo begiratu. 9.  xabier - 2007-12-20 | 20:00 Nor den ez dakigun "Motx" ez da motz geratzen eta Juantxo nolatan zaigu "txo"z bukatzen German horrekin deman ni ez naiz ausartzen gainera oparirik ez denez tokatzen gu ezin hasi hiru zezen toreatzen 10.  JUANTXO - 2007-12-27 | 12:14 Xabier zu zeu ere nahikoa zezena naiz da ez iruditu zeranik zuzena GERMANekin ez dezu iñolaz nahi dema hura degu bai emen zezenik gorrena ohartu gabe "zasta" egiten duena. 11.  Motx - 2007-12-27 | 12:52 Hara Juantxok zer dion orain parez pare, German "gorrena" dela dio alafede, gorra eta gogorra gauza bera ote? Gizon honek duenez nahi haina umore, German berak argitu dezala dotore. 12.  JUANTXO - 2007-12-27 | 17:14 Gorra tamainan dela ezin det ukatu zer entzun nahi dun ondo ohi du aukeratu baina anka sartu det da MOTX konturatu gogorra pentsatuta gorra det aipatu, emen gogorragorik nik ez det bilatu 13.  German - 2007-12-27 | 17:35 Ausartuak zarete adarrak jartzera nahiz ta ni ez iritsi inori sartzera beraz momentuz nabil zezenan antzera aker gisan bueltatu ezkero atzera golpeka izango da hurrengo hasera 14.  Motx - 2007-12-27 | 18:37 Norbait aztoratzen da nirekin aldiro. Ezizena dala-ta hemen ez da giro. Ez nauzu aberatsa, ezta ere txiro, baina Xabier zertan egin duzu tiro, "Norden ez dakigun 'Motx'" galdetuz berriro? 15.  Motx - 2007-12-27 | 18:47 German kontuz hasi zu adar kontuetan, arriskua ugari da-ta Gabonetan, marisko ta txanpaina ugari mahaietan, dena beti gehiegi 'triparen jaietan', okerrak gero datoz Gabon-jaien bueltan. 16.  German - 2007-12-27 | 19:55 Motx hori gelditu da nahiko marraztua emandako pistekin berak erraztua bizitza ez du eraman bate narrastua ta nik emango dizut azken arrastua ilea ibiltzen du raian orraztua 17.  JUANTXO - 2007-12-28 | 12:45 Oraindik ez det garbi badut bai dudia naiz Germanek eman dun arrasto garbia, badet nik egiteko orain galderia German erantzun eta erantzun egia zein ote du Motx horrek bere lanbidia? 18.  xabier - 2007-12-28 | 19:08 German pista gehiago idatzi hurrena pista hoiekin ezin asmatu,ze pena! datozkit hogeitasei bat izen barrena galdezka jarraitzea dut beraz onena arrastoagatikan du Motx ezizena? 19.  German - 2007-12-29 | 21:59 Jakinminez al gaude burutik nahastuak intimitate gauzak dauzkagu ahaztuak enau bate kezketzen Motxen lanpostuak luzatu ohi ditugu sarritan eskuak hori bai hark eztitu lanean laztuak Motxen gaiak ekarri gaitu gu kantura baina iritsi behar azken momentura aztertu dugu dena puntutik punntura baina bukatzear da horren abentura bapo bizi da hori andrean……. 20.  Motx - 2008-01-02 | 11:14 Irrifarra erne da Motxen aldartean, halako garrantzia zuek ematean. Sekretua argitzera nator bat-batean: Arraiaz orraztua naiz garai batean, baina galdu egin zen ilargia haztean. Ongi ulertu diot Germani gaurkuan nahiz bukau gabe utzi dun azken puntuan. Horrelako kontuak ez esan altuan, zeu salatu baitzara zeure bekatuan, badakit zer ikusi duzun ispiluan.

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut