|
1. Bego - 2007-06-28 | 20:18
Hogeitabat ez al zen
udaran sarrera,
sargoren ordez hotza
daukagu gainera.
San Juan, San Pelaio
hau duk, hau karrera,
parranda egiteko
badugu aukera,
gazteek zaretenak
ez egin atzera.
2. Motx - 2007-06-29 | 09:04
San Joan ta San Pelaio
aixe joan dira,
San Pedro ta San Paulo
ditugu begira,
San Martzialen ondoren
San Ferminen mira,
Santio, Santa Anak
oporren distira
ta San Inaziotan
ospa urrutira.
3. Bego - 2007-06-29 | 15:34
Abiada handia
hartu duzu gero!
horrela joan ezkero
santu bat astero,
nahikoa ez al duzu
bakarra hilero.
Parranda egitea
duzu zuk espero,
patrika bete behar
diruz bero-bero.
4. Motx - 2007-06-29 | 16:12
Ez naiz santujalea
dirudien arren,
fede kontu horretan
nabil nahiko herren.
Jaiak ditut gogoko,
ez al da nabarmen?
Lana utzi nahi nuke
ahalik azkarren
ametsaren lilura
agortu baino lehen.
5. Bego - 2007-06-29 | 17:15
Ohartu naiz horretaz
bi bertso hauetan,
gaur ere joango zara
herriz-herri festan.
Kontuz ibili behintzat
alkohol kontuetan,
lasai ibili zaitez
eta etorri bueltan,
asko ligatu ezazu
erromerietan.
6. JUANTXO - 2007-06-30 | 09:53
Betikoa gertau da
hau nobedadea
santuekin hasi ta
festara kordea
alkola,erromeri
eta ligatzea
ligatzen egia esan
Motx degu trebea
mutil askon antzera
hau ere zalea.
7. Motx - 2007-07-02 | 09:56
Juantxok diona ez da
egia ordea,
ligatze kontuetan
ez naiz hain trebea,
Motx da horretan ere
izenan jabea,
hobe lan hori beraz
burutik kentzea.
Hori bakarrik al da
ba jai egitea?
8. Motx - 2007-07-04 | 10:25
Batzuek oporretan
dabiltz pantxo-pantxo,
nonbait patrikatikan
ez daude hain mantxo.
Hegoaldeak hortan
badu nahiko gantxo.
Nahiz ta Marbellan lehendik
baden hainbat jauntxo
bertara oporretara
joan zaigu JUANTXO.
9. JUANTXO - 2007-07-04 | 16:53
Behin pentsatuko nuen
herria uztia
behin aterako eta
ez ahal da tristia
jakinaren gainean
da herri guztia
honera iritsi zait
horren albistia
ezinezkoa bait da
internet ixtia.
Motx hau zalea degu
mezuak zabaltzen
kazetari usaina
honi diot artzen
eta nik hauxe dizut
motx orain galdetzen
zergaitikan ez dezu
zeurea aipatzen
herriko festak utziz
zu nora zoazen.
10. Motx - 2007-07-04 | 17:21
Berria iritsi da
nonbait ur-ertzera.
Ikusten zaitut Juantxo
haserre antzera.
Ez zaitez baina iritsi
patxada galtzera,
oporretan da hori
kristoren galera,
Internet itxi eta
zoaz bainatzera.
Ikertzen zara, noski,
zu abiatua,
non ote dago Motxek
dun txoko galdua?
Internetik gabea
da gordelekua.
Jakitean zuk lasai
hots egin bandua
ta nahi bada bertsotan
astindu mundua.
|
Hemen zaude:
Azpeitiko ataiye »
Blogak »
Erniarraitz »
Udara gertu dago
ARTXIBOA