Laster udaberria

ERANTZUNAK

1.  Motx - 2007-03-15 | 16:29 Udaberriak jaso neguko hesola, birigarro nahiz zozok kantuzko eskola, zuhaitz eta zelaiak lorez bete, nola! laster dator kukua ku-ku dariola, nork ez dauka borborka zainetan odola? 2.  Motx - 2007-03-19 | 17:45 Azken bertsoak sortu dit hamaika duda. Eguraldi ederrak zirudien uda, baina asteburuak nola digun muda. San Jose aurtengoan aste bihurtu da ez ote da beraren haserrezko guda. 3.  txirrita - 2007-03-20 | 23:31 Hilaren hasieran guk zenbat irrifar giro ona nagusi egunetan zehar. Baina neguak bere ekarpena dakar Elurra dala eta ene! zenbat dar-dar lehen etzun egin ta orain egin behar. 4.  antton - 2007-03-21 | 09:18 Badator, badihoa, ari du, badago garaian garaikoa urtaroz-urtaro. Ni ere San Joseko loreen zai nago elurraren atzetik baitigu emango udaberriak are udaberriago. 5.  laxaro - 2007-03-21 | 11:35 Zeinen giro 'bikaina' den KORRIKArako. Erniarraitzek zati bat badu beretzako, igande goizaldeko laurak alderako Ikasberri parean azaldu galako. Premian dagonari lagundu beher zako 6.  txirrita - 2007-03-21 | 18:18 Laxaro erantzunak dituzu baietzak korrikak betetzeko dakarzkin ametsak. Benga uxa ditzagun aitzaki ta kexak astindu hankak eta albora perezak ea zenbat indar dun gaueko zerbezak 7.  laxaro - 2007-03-22 | 13:50 Gizendu behar denez euskeraren poltsa, KORRIKAn eragina ez degu hain motza. Ta horrek ematen dit benetako poza, nahiz gauak sarri duen eguneko lotsa, ahaztu zeresanak ta korrikan goza.

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut