Udarakin batera dator uztan hila

Erniarraitzen leihoko azken bertsoa | Erniarraitz |  2009/06/30  15:59

Udarakin batera
dator uztan hila,
nere baratza hontan
hau landare pila.
Letxuga, tomatea
aza, perregila,
bertakoak goxoak
lortzen ez da zaila,
ostiral arratsaldez
jun plazara bila.

Lotura zuzena  |  Erantzun

 

Zer botako zenduke sutan erretzera?

Erniarraitzen leihoko azken bertsoa | Erniarraitz |  2009/06/15  15:09

Ekaina ere badoa
jadanik aurrera.
San Juan bezpera dator
belaxe gainera,
sua piztuko degu
betiko antzera
eta horri helduaz
dijoa galdera:
zer botako zenduke
sutan erretzera?

Lotura zuzena  |  Erantzun bat. manuel | 2009-06-16 | 23:32

 

Maiatza agurtuta horra hor, Ekaina!

Erniarraitzen leihoko azken bertsoa | Erniarraitz |  2009/06/3  08:48

Maiatza agurtuta
horra hor, Ekaina!
Ez al da datorrena
urtaro bikaina?
Arropaz bezain arin
diruz gabiltz baina,
jakingo dugu horri
aurkitzen ordaina,
senak aditzen baitu
nonahi jai-usaina.

Lotura zuzena  |  Erantzun bat. Bartolo | 2009-06-03 | 13:26

 

Kaixo irakurlea eske natorkizu

Erniarraitzen leihoko azken bertsoa | Erniarraitz |  2009/05/20  10:08

Kaixo irakurlea
eske natorkizu,
zeren internetikan
eskura badezu,
Uztarria.com
klikatu ezazu,
Erniarraitz blogeko
orrian naukazu...
irakurri ta gero
erantzun zaidazu!!!

Lotura zuzena  |  4 erantzun. Azkena: JUANTXO | 2009-05-26 | 16:48

 

Garratz etorri zaigu aurten apirila

Erniarraitzen leihoko azken bertsoa | Erniarraitz |  2009/04/16  11:56

Garratz etorri zaigu
aurten apirila,
eraman digulako
lagun zar hurbila.
Bertso munduak jaulki
duen malko pila,
biharko itxaropen
bihurtu dedila,
agur maixu haundia
eta esker mila.

Lotura zuzena  |  Erantzun bat. laxaro | 2009-04-16 | 12:00

 

Albiste zaharragoak »»