Emakumearen errealitatea aztergai

EMAKUMEA | Bilgune Feminista eta Emakume taldea |  2007/03/2  10:34

Euskal Herriko Emakumeen Eskubideen Gutuna gure beharrizan eta bete gabeko eskubideen inguruan egiten ari garen gogoeta duzue.

Ekimen honen oinarria munduko emakumeen artean eginiko gutuna da. Bertan, munduko 4000 emakume taldek baino gehiagok eginiko gogoetak biltzen badira ere, beharrezkoa ikusi genuen Euskal Herritik eta berau oinarri hartuta zehaztasun handiagoarekin islatuta ikusiko genuen dokumentu bat egitea.

Eskubideen Gutunak hiru atal nagusi ditu. Batetik, errealitatea margotzen izenburuaz egungo gure egoeraren inguruan ateratako ondorioen zertzelada egin nahi izan dugu. Bestetik, bestelako Euskal Herri batek oinarritzat izan beharko lituzkeen baloreen zerrendaketa bat egin dugu, herritartasun kontzeptuaren inguruan ikuspegi berri bat kokatuz. Azkenik, eskubideen zerrendaketa bera egin dugu.

Irakurri, nahastu, eman buelta eta igorri zalantzak, proposamenak, kritikak eta azaldu zure iritzia lagun!!!