Hautsak harrotuta dabiltza azkenaldian Realean. Hainbat medioren arabera, zorrak itotzear dago Reala momentu hauetan eta horren ondorioz Bigarren B mailara jaistea ekiditeko gaur aurkeztu du Konkurtso Legea baliatzeko eskaria. Lege horren ondotik ekingo dio zorrak kitatzeko epeari. Besteen artean, jokalariei zor dionari erantzun beharko dio Realak. Jokalariek, euren aldetik, erabaki dute futbolarien sindikatuan salaketarik ez jartzea. Tartean, Mikel Labaka eta Mikel Aranburu Realeko jokalari azpeitiarrak.

Ostolaza eta Pujana trikitilariek ‘Lasturbidean’ euren disko berria argitaratu berri dute Gaztelupenko Hotsak disketxearen bidez. Diskoak erromeria giroa jaso asmoz, garai bateko trikitilari mitikoen piezak ditu jasota. Horien artean Faustino Azpiazu Sakabi-ren hainbat doinu ere aukeratu dituzte lan berrirako.

Faustino Azpiazu, Sakabi, Lasturren jaio zen, Sakabi baserrian 1917an. Itziar aldekoa izan arren badu loturarik gure herriarekin, Egañazpirekin kaleratutako bi diskoak Azpeitiko trikitixarenak baitira, Triki-Trixa de Azpeitia (Sakabi y Egañazpi) eta Triki-trixa de Azpeitia. Bikote horrekin 32 urtez ibili zen trikitia jotzen Euskal Herriko hainbat herritan. Sakabi 1995ean zendu zen.]]> http://www.uztarria.com/blogak/dida/1214295112

Webeko inkesta ataleko galdera aldatu egin du Uztarriak, eta hauxe da itaun berria: Nola joaten zara hondartzara? Eguraldiak asko laguntzen ez badu ere, dagoeneko udan sartuta gaude eta jendea hondartzara nola joaten galdetu dugu.

Aurreko galdera, “ezer botatzen al duzu sanjoan sura?”, galdetu genuen. Jasotako emaitzen arabera, %34,43k zerbait botatzen du sanjoan sura eta 65,57k, berriz, ez du ezer botatzen.

Berria egunkariak igandean zekarren Maria Jesus Aranburu Gipuzkoako Kultura diputatu azpeitiarrari egindako elkarrizketa. Adierazpenen artean, honakoa zioen kultur zentroez: “Kultur sorkuntza norberak darama. Sortzeko ahalmena norberaren altxorra da. Baina, dudarik ez, hori nonbait gauzatu egin behar da, eta bakoitzak bere kabuz gauzatzea oso ondo egon arren, egia da baita ere hori sozializatzea on adela: elkarlana, beste sortzaile batekin elkartzeko espazioa, baliabideak eskura izatea”.

Aranbururen arabera, batak ez du bestea kentzen: “Egia da razionalizatu egin behar direla eraikinak, aurrez oso ondo pentsatuta zertarako diren, nork erabiliko dituen…”.]]> http://www.uztarria.com/blogak/dida/1213440907

Datorren aste bukaeran egingo du Espainiako PPk bere Kongresua, eta txosten politikoan gogor jotzen du EAJren kontra (83 eta 84. puntuetan), orain arteko gogorren: "Terrorismoaren kontrako borrokan beti eragozpenak jartzen ditu, ez du ETA garaitzen laguntzen...". Non geratu ote dira Xabier Arzalluzek (EAJko presidente zenean) eta Francisco Alvarez Cascos PPko kideak (buruzagi zela) Loiolan bazkaltzen zuten garaiak... "(Cascos) Euskadiko kontuez ez zen hain fanatikoa. Beti ondo portatu izan zen gurekin”, esana du Arzalluzek bere biografian.

Antonio Aristi auto gidariak esan zuen Uztarria herri aldizkarian joan den maiatzeko zenbakian: "Denboraldi honetan lortu du pole bat (Robert Kubicak), eta hori adin horrekin ez du edozeinek lortzen. Nik uste, gainera, aurten karrera bat irabaziko duela”. Ondo ezagutzen du Aristik Kubica, hau 2005ean bere etxean bizi izan zelako, Urrestillan, Azkoitian Epsilonen egon zenean. 1 Formulako gidaria da duela bi urtetik Kubica, eta atzo (igandea) irabazi zuen hor bere aurreneko karrera, Kanadan. Asmatu du Aristik.

Sailkapen nagusian, aurrena jarri da Kubica. 42 puntu dauzka, eta ondoren laura ditu Lewis Hamilton eta Felipe Massa.

Titular dabil gaur egun Realean Mikel Labaka, eta badu horretan zerikusia entrenatzailea Juanma Lillo izateak, elkar ondo ezagutzen dutelako: Murtzia Hirian egon ziren elkarrekin duela lau urte, talde hori Espainiako Bigarren A Mailan zela, Labakak lehengo astean Berria-n egindako elkarrizketan gogoratu zuen bezala: "Murtzia Hirian egin genuen topo elkarrekin. Niretzat oso garai berezia zen, lehen aldia nuelako etxetik kanpo. Babes handia eman zidan, eta denborarekin konturatu nintzen ez zela nire kasuan bakarrik, harreman onak zeuzkala jokalari guztiekin. Asko babesten ditu. Realean ere erakusten ari da. Horretaz gain, lan tekniko-taktikoak oso ondo menperatzen ditu, eta partidak oso ondo prestatzen ditu". Realak utzita joan zen Labaka Murtzia Hirira.

Webeko inkesta ataleko galdera aldatu egin du Uztarriak, eta hauxe da itaun berria: "Ezer botatzen al duzu sanjoan sura?" Ekainaren 23an izango da urteko gaurik luzeena eta leku askotan suak piztuko dituzte.

Aurreko galdera, “kirolik egiten al duzu?”, galdetu genuen. Jasotako emaitzen arabera, %37,7ak ez du behin ere kirolik egiten. %19,46ak noizean behin egiten du, %25,5ek astean bi aldiz eta %17,45ak, berriz, egunero egiten du.