Mikel Labaka futbolariak Realeko talde nagusiarekin 100. partida jokatuko du larunbat honetan (18:30, Reala-Granada 74), baldin eta minutu batzuetan aritzen bada. 2004ko urriaren 24an jokatu zuen hark bere aurreneko partida Realeko lehen taldean eta, harrezkero, 99 alditan aritu da. “Oraindik partidak jokatzen segitzea nahiko nuke”, dio defentsa azpeitiarrak, "eta ea (Espainiako) Lehen Mailan izaten den”. Azkeneko neurketetan titular dabil.]]> uztarria.com http://www.uztarria.com/blogak/dida/1210851511

Beste 1.500 lagunekin batera, Mikel Aranburu, Pako Aristi, Mikel Labaka, Alfonso Etxeberria, Jose Luis Otamendi eta Jokin Uranga azpeitiarrek Euskal Herriak Askatasuna behar du! adierazpena sinatu dute —Xarlo Etxezaharreta hazpandarrak eta Haimar Irigoien errezildarrak ere bai—, eta dei egin dute larunbat honetan Amnistiaren Aldeko Mugimenduaren aurkako epaiketa salatzeko egingo den manifestaziora azaltzeko; Bilbon izango da, 17:30etik.

Inputatuei babesa adierazteko eta horien lana "delitu" ez dela azpimarratzeko aurkeztu zuten lehengo zapatuan Euskal Herriak Askatasuna behar du! adierazpena, Donostian.

"Dispertsioa salatzea ez da delitua, tortura salatzea ez da delitua, errepresioa salatzea eta pertsonen eskubideak babestea ez da delitua, elkartasuna ez da delitua, preso, iheslari eta beren senitartekoak lagundu eta babestea ez da delitua", esan du Fito Rodiguez EHUko irakaleak, manifestua leitzean. "Dispertsio eta muturreko neurriek osatzen duten salbuespen egoera da delitua, torturatzea eta tortura ahalbidetzen duen tresneria hori guztia da delitua, (Espainiako eta Frantziako) estatuen biolentzia eta eskubide urraketa dira delituak, presoak-eta hondoratzeko eta zatitzeko helburuarekin burutzen diren jazarpen, eraso eta eskubide urraketa horiek guztiak dira delitua...", dio adierazpenak.

Aurreko galderan, “Xoxoteko Egunera joan behar al duzu?” galdetu genuen. Jasotako emaitzen arabera, %42,01ek baiezkoa erantzun zuen. Aldiz, %57,99ak ezetz erantzun zuen.

Datorren maiatzaren 15ean Palestinako biztanleek beraien historian izandako egunik gogorrenetako bat gogoratuko dute. NAKBA-ren 60. urteurrena beteko da, Israel-go estatu sionista sortu eta Palestinarren kontrako sarraskiaren hasiera hain zuzen ere. 

• 1948an 750.000 palestinar bere etxe eta lurretatik bota zituzten, herritarren %60 hain zuzen ere, eta Cisjordania eta Gazako errefuxiatuen kanpamenduak sortu beharrean aurkitu ziren. Gaur egun 4 milloi palestinar bizi dira errefuxiatu gune hauetan. (Euskal Herriko biztanleria baino gehiago)
• 1948an 500 herri palestinar deuseztatu zituzten. (Gipuzkoako udalerri kopurua baino 5 aldiz gehiago)
• Jerusalem-etik gertu dagoen 600 biztanletako herri batean 60-170 zibil artean hil zituzten egun batean. (emakumeak hil aurretik bortxatuak izan ziren)
•  1500 biztanletako beste herri batean ehunka lagun hil zituzten momentuan bertan 10eko taldetan banatuta. 230 gorpu aurkitu ziren.
• NAKBA-ren 60. urteurrenean oraindik 58 errefuxiatu eremu daude eta oso baldintza kaxkarretan bizi diren 4 milloi lagun.
• Beach-ko errefuxiatu eremuan 80.000 pertsona bizi dira kilometro karratu batean. (Azpeitian 5.600.000 pertsona bizitzea bezala da)

Errefuxiatu gune hauetan etengabeak dira ejertzito israeldarraren bonbardaketak. Gauero sartzen dira tankeekin etxeak bota edo bertako palestinarrak atxilotzera. Argindarra et aura mozten dizkiote edozein unetan. Janariak sartzea galerazi etab. Orain dela 60 urte hasitako sarraskiak bere hortan dirau!

Geroztik sinatu diren bake akordio faltsu guztietan ez dira errefuxiatuak aipatu ere egiten. Nazio batuen erakundeak urteetan zehar hartu dituen konpromisoak ez ditu inondik inora ere bete. Estatu palestinarrari zegozkion lurrak Israeldarrek okupatzen jarraitzen dituzte, egunero palestinarren artean hildakoak, atxilotuak eta bizi baldintza jasangaitzak mantenduz . 700 kilometroko harresiarekin inguratu nahi dituzte kartzela erraldoi batean sartuz.

Juduak ez direnak 2. mailako herritar kontsideratzen dituen estatu arrazista bat ezarri dute eta Europak ez du honen aurrean ezer egiten. Horregatik Palestinatik datorkigun eskaera da produktu israeldarrei BOIKOT-a egitea. Israel-ek bere estatuaren zilegitasuna aldarrikatzen du edozein kirol ekimen edo kulturaletan, hortarako dirutza ugari bideratzen dituelarik. Estatu israeldarra estatu terrorista bat da, inolako zilegitasunik gabe sortua, NAKBA-ren bidez ezarria.  Palestinari gure elkartasuna luzatu behar diogu estatu israeldarraren aurkako BOIKOT kanpaina honen bidez bere zilegitasuna ukatuz.

PALESTINAREKIN ELKARTASUNA ISRAEL-I BOIKOTA!!!

KONTZENTRAZIOA MAIATZAREN 15EAN AZPEITIKO PLAZAN ARRATSALDEKO 8ETAN. AZALDU!!!!!!!!!!!!!!]]> uztarria.com http://www.uztarria.com/blogak/dida/1210608741

Gizonezkoen Hirugarren Maila

Lagun Onak 3

Zamudio 2

Sailkapena:

1. Portugalete. 69 puntu. Hogei partida irabazi, bederatzi berdindu eta zortzi galdu.

2. Basconia. 65 puntu. Hamazazpi irabazi, hamalau galdu eta sei berdindu.

3. Zamudio. 65 puntu. Hemeretzi irabazi, zortzi galdu eta hamar berdindu.

4. Gernika. 65 puntu. Hemeretzi irabazi, zortzi berdindu eta hamar galdu.

5. Amurrio. 64 puntu. Hamazazpi irabazi, hamahiru berdindu eta zazpi galdu.

6. Lagun Onak. 63puntu. Hamazortzi irabazi, bederatzi berdindu eta hamar galdu.

                               ...

20.Vitoria.23 puntu.Bostu partida irabazi, zortzi berdindu eta hogeitabat galdu.

Hurrengo jardunaldia (38.):

Etxean jokatuko du Lagun Onak-ek datorren larunbatean, maiatzaren 17an, Gernikaren aurka 18:00etan

Emakumezkoen Liga Nazionala (apirilaren 19an jokatua)

Lagun Onak 1

Ejea 1

Kadeteen Lehenengo Maila. Igoera fasea

Lagun 0nak 6

Behobia 2

Infantilen Ohorezko Liga. Txapeldun fasea.

Lagun Onak 3

Sanse 3

SASKIBALOIA

EBA liga:

Lan Mobel ISB 72

Ciudad de Ponferrada 66

Sailkapena:

1.Domo Oviedo. 25 partida irabazi eta 5 galdu.

6.Lan Mobel ISB. 18 partida irabazi eta 12 galdu.

16. Recinor San Rosendo. 6 partida irabazi eta 24 galdu.

ISB ko emaitzak:

Errotaundi ISB 76

La Salle 71

Lasao Altzariak 70

BKL 48

Izarraitz Inmobiliaria 57

Bera Bera Kursal 42

Caldereria Zaher 82

Zarautz 49

Sein Mutilak 46

Hernani 45

Sein Neskak 32

Bera Bera Gros 68

GSB Acero 40

Hernani 30

Epi Kristaldegia 59

Easo Haitza 34

Uztarria.com-eko blog komunitatea handitzen doa. Hala, Sanjuandegiko festen harira, Sanjuandegiko Festa Batzordekoek bloga sortu dute uztarria.com-en.

Uztarriaren asmoa hasieratik herritarren parte-hartzea izan da eta jendearen iritziak jasotzeko gune bihurtu nahi ditu blogak ere.

Zuk ere blogari izan nahi? Uztarriara idatzi, deitu edo etorri besterik ez duzu egin behar. Animo!

Aratz-Errekako festak laster izango dira eta, hilaren 15ean, San Isidro egunez, 12:00etan ekimen berezi bat egingo dute: "Biterreoa". Hala jartzen du haien egitarauan (ikusi uztarria.com-eko agendan). Ekimen sinpatikoa. Mami-jana ere izango dute.

"Al aguazil, al aguazil, hay ke kortarle hay ke kortarle..." Majina bat aldiz abestu diegu kantu hori Tuli, Pastor eta konpainiei. Umetako kontuak dira, bai, baina hain umeak ez ginenekoak ere bai. Aguazil hitza hitzetik hortzera erabiltzen dudala esan zidan lehengoan irratian batek, eta hitz horrek frankismo garaiko pertsonai bat ekartzen ziola burura.

Ez ba. Nire kasuan guztiz kontrakoa gertatzen da. Aguazilak garai bateko udaltzainak ziren, gaina egungoak baino "entrañableagoak". Herrikoak, herritarrekin harreman zuzenagoak zutenak. Errieta egiten zizuten autoa gaizki aparkatuta zenuenean, aldrebeskeria bat eginez gero ere abixua ematen zizuten, eta maniobraren bat gaizki eginez gero kotxeko kapotan "ttak-ttak" jo eta "hori zein den eiñ, e!", esaten zizuten. Astunak ziren, bai, eta askotan multa jarri gabe ezin izaten zenien ihes egin, baina beno, traturako behintzat "familiarragoak" ziren.

Egungoak ez dira aguazilak. Udaltzainak dira, munizipalak. Azpeitiarrak, hiru edo lau bakarrik, beste guztiak nondik etortzen diren arrastorik ez. Autoren bat gaizki aparkatuta dagoela ikusi eta abixua ematen dutenak ia inorrez, eta ixil-ixilik inori ezer galdetu gabe multa jartzen dutenak ia guztiak. Bufff... konparazioak ez dira egokiak izaten, baina "poliziartuta" daudela esango nuke. Fisikoki ere konparatu besterik ez dago: gazteak, gorputz sendokoak eta landutakoa! Tokitan gelditu dira garai bateko txilbor borobildunak... Herrian disziplina bat jartzeko autoritate pixkat behar dela, bale, baina hortik azpeitiar normal baten gainetik daudela sinestea ere... munizipal horietako batek niri iaz esan zidan bezala: "kontra egiten hasten bazara Ertzainei deituko diet, puntuak kenduko dizkizut, eta autoritateari aurre egiteagatik isuna jarriko dizut". Eta hori guztia autoa doblefilan utzi eta une batean denda batetik sartu ertena egin nuelako. En fin...

Denak ez dira berdinak eta ezin dira zaku berean sartu, baina dioss, aguazilen falta dudala onartu behar dut. Oraingoei ere gustura abestuko nieke "al aguazil, al aguazil, hay ke kortarle hay ke kortarle..." baina seguru abestia ezagutu ere ez dutela egiten. Gainera, autoritateari aurre egiteak egun ekar dezaken kostua kontuan hartuta, barrutik kantatuta hobe! 

Bardeak, Nafarroako egoan kokatuta dagoen desertu bat da, 42.000 hektarea inguru ditu, 45 km. goitik behera eta 24 km. zabal eta metro karratuko 450 litro euri egiten du gutxi gora bera urtean, (Azpeitian 1.500 / 2.000 inguru). Benetan paraje ikusgarria da, bertako mendixken formak eta koloreak oso bereziak dira, argazkiak ateratzeko edo bizikletan ibiltzeko aproposak. Baina bada han ere mamu beltz bat, bertan kokatuta dagoen “Poligono de tiro” delakoa , jendearen protestak direla eta behin eta berriz kentzekotan diren arren,  hor jarraitzen dute abioiak bonbak botatzen 1951tik honantz, beraien zarata eta marru beldurgarriekin]]>