Azpeitiko bideoak

• Zer da bideoak atal hau?
• Zer motatako bideoak ikusi daitezke?
• Erakutsi al dezakek nik grabatutako bideo bat?
• Nola ikusi daitezke bideoak?
• Bideoa moztu egiten da, saltoka bezala ikusten dut!
• Jaitsi al dezaket bideoa nere ordenagailura?
• Google video? Zer da hori?

Zer da bideoak atal hau?

Bideoen atala, herriko ekimen, ekitaldi eta gertaera ezberdinetako bideoak jaso eta erakusteko lekua da. Informazioa modu osatuago batean emateko modua, azken batean.

Zer motatako bideoak ikusi daitezke?

Saiatuko gara ahalik eta bideo gehien sartzen. Uztarria berak grabatutakoak, Kaito Telebistak grabatutakoak, herritarrek bidalitakoak, Interneten bilatutakoak, beste telebista kateetan grabatutakoak... Azpeitiarekin zerikusia duten ahalik eta bideo gehien.

Erakutsi al dezaket nik grabatutako bideo bat?

Bai. Azpeitiarrekin edo Azpeitiarekin zerikusia duten bideo interesgarriren bat izanez gero, jarri Uztarriarekin harremanetan eta atal honetan publikatuko dugu. Guk egingo dugu tratamentu guztia.

Harremanetan jartzeko, bete formulario txiki hau. Bideoa zuzenean bidali nahi baduzu, bidali e-posta bat, bideoarekin, orriaren oinean azaltzen den e-posta helbidera. E-postaz bidaltzeko bideo astunegia bada, pasatu gure lokaletik.

Nola ikusi daitezke bideoak?

Bideoak ikusteko baldintza bakarra bete behar da: Macromedia Flash instalatuta eduki.

Bideoa moztu egiten da, saltoka bezala ikusten dut!

Hori, zure Interneteko konexioa makala (edo ez behar bezin azkarra) delako da. Kasu honetan, eman bideoa hasteko botoiari eta utzi denbora bat bideoa jaitsi arte. Gero hasierara itzuli bideoa eta eman berriro botoiari: dena jarraian ikusiko duzu.

Jaitsi al dezaket bideoa nere ordenagailura?

Bai. Horretarako, jarraitu urrats hauek:

1. Bideoaren eskubian-behean dagoen "Google Video" botoian klik egin eta gero datorren "Go to Google video" botoia sakatu.
2. Google-ren orri batera iritsiko zara. Orri horretan, eskubi aldean, "Download" botoia ikusiko duzu. Han klik egin eta jaitsi bideoa, zeure ordenagailura.

Google video? Zer da hori?

Uztarria.com-eko zerbitzariarentzat astunegiak dira bideoak. Horregatik, Google-ren doako zerbitzu hau -Google Video- erabiltzen dugu bideoak erakusteko.