GR12 bertso saioa

bertsolaritza orkatz gr12 | uztarria.com |  2007/06/27  11:48

GR12 bertso-txapelketaren barruan Azpeitia eta Mallabiak Orkatzen egin zuten saioa, oso-osorik dago bertsoa.com-en, eta hona ekarri dugu saioaren lehen zatia. Azpeitiak, saio honetan aurrera egin zuen baina, azkenean, ez zen GR12 bertso txapelketako finalera sailkatu.

Ikusi bideoa  |  Erantzun

Joxe Agirre Zumaian, 78 urte bete zituen egunean

bertsolaritza bertsoak agirre | bertsoa.com |  2007/04/16  14:10

Santelmoetako bertso jaialdia izan zen ostiralean (04/13), justu Joxe Agirrek 78 urte bete zituen egunean. Saioan ez zen horren aipamen zuzenik izan, baina bukaeran omenaldi txiki bat egin zioten Agirreri. Tarta eskaini eta "zorionak" kantatzeaz gain, santelmoetako zapia jarri zioten. Agirrek hiru bertso ederrekin eskertu zuen detailea.

Bideoa bertsoa.com webgunetik hartua da. Bertan, saioko bideo gehiago ikusteko aukera ere badago. Tartean, Jokin Urangarenak ere bai, saio horretan bertan baitzen Uranga ere.

Ikusi bideoa  |  Erantzun

Xabi Borda eta Gu ta gutarrak

bertsolaritza kantua gaztetxea gutagutarrak xabi-borda | uztarria.com |  2007/03/12  12:02

Azpeitiko gaztetxean egindako saioan, Xabi Borda izan zen Gu ta gutarrak taldekoak "gutartua". Bordak poesiak errezitatu eta Iturriaga eta Elortzak bertsotan erantzun. Orduko bideoa duzue hau, www.gutagutarrak.eu/ blogetik hartua.

Ikusi bideoa  |  Erantzun

Gu ta gutarrak, Baigorrin

bertsolaritza kantua gaztetxea korrika | uztarria.com |  2007/03/6  13:05

Korrika Kulturalaren eta Erniarraitzek antolatutako Bertso Astearen barruan, ostiral honetan (hilak 9) Gu ta gutarrak izango dira Azpeitiko Gaztetxean, 22:30etik aurrera. Berotzen joateko, haiek Baigorrin (Nafarroa Beherea) egindako saioko zati bat jarri dugu hemen, taldearen beraren webgunetik jasota. Gehiago nahi duena azaldu dadila ostiraleko saiora.

Ikusi bideoa  |  Erantzun

Txapeldun berria Azpeitian

bertsolaritza paia erniarraitz txapel | uztarria |  2006/12/19  09:35

Ostiral honetan (hilak 22), Txapelen omenezko bertso saioa izango da, 23:00etan Betharrandarretan. Han izango da, besteak beste, Bizkaiko Bertsolari Txapelketa irabazi berri du Xabier Paia. Bideo honetan txapeldun berriaren azken agurra.

Ikusi bideoa  |  Erantzun bat. uztarria | 2006-12-22 | 12:20

Txirrita Azpeitian

bertsolaritza gaztetxea txirrita kulturaldia | uztarria.com |  2006/11/18  15:37

Uztarriaren 5. kulturaldiaren barruan, Txirrita saioa eskaini zuten Unai Agirre, Jexux Mari Irazu eta Joxan Goikoetxeak gaztetxean, urriak 27an.

Arazo batzuk tarteko, lehen 20 minutuak soilik grabatu ahal izan dira eta irudien kalitatea ez da behar bezalakoa, gainera. Halere, merezi du; ikustekoa eta, batez ere, entzutekoa izan baitzen ekitaldia. Bideoa dagoenean igotzea erabaki dugu.

Ikusi bideoa  |  Erantzun