Iñaki Zubizarreta (Iraurgi Saskibaloi Elkarteko lehendakari ohia)

Saskibaloia gustatu

Iñaki Zubizarreta

Egia esango dut: ni jarri nindutenean Iraurgi Saskibaloi Elkarteko lehendakari, nik saskibaloiaz ezer ere ez nekien. Baina Josu Txapao-k nire anaia Jose Luisi esan omen zion baten bat behar zuela, ez lan asko egiteko, baizik eta klubeko buru egiteko eta... hamabi urtean hortxe egon nintzen, Iraurgiko presidente. Eta garai batean anaia Eibarrera eramaten nuenean —hango taldean zegoelako— haren partida ikusi beharrean tragoren bat hartzera joaten banintzen, azkenerako saskibaloia gustatu egin zitzaidan. Betharramdetako eta frontoiko giroa gustatzen zitzaidan batez ere. Halakorik!... Kluba urte batzuetan oso indartsu egon zen, zortzi talde federatu izatera heldu zelako. Lan ona egin zen seinale da hori.