Ados

Ion Pozo

Zuk niri?

Zer erakutsi nahi didazu?

Ispiluak begira dituzu,
eta zuk, soinekorik ez izkutatzeko,
soinean,
gaur gauean.

Esku hotzak uda beroan...

Bihar goizean,
ukitu nazazu hemen, eta hemen ere bai, eta hemen,
eta esnatuko naiz.

Eramango al nauzu hemendik urrun?
Arnastea besterik ez duzu,
barrura ta kanpora,
astiro,
hasieran,
eta gero eta azkarrago,…

Behin eta berriz,
arnastu....

Zu esnatzean,
berriro egingo dugu.

Hasieratik bukaerara.

Ados?