Ta ni banoa

Aitor Bengoetxea

Ta ni banoa hoteletik

hemen dena zait arrotz

leihoak amildegi

sute eskailerak bide zidor

gaur ere zurekin oheratuko naiz

gaur ez dugu maitasunik egingo

larrua joko dugu

elkar odolustu arte

inoiz ibili al ginen presarik gabe?

Ibili baginen, zenbat?

Ni banoa,

bide bazterretan lorratzak utziko dizkizut

etendako zainak

zianuro putzuak

Esaidazu gezur bat

Edo utzidazu neurea asmatzen bederen.