Nekearena

Itziar Aldalur

Denbora da oinez nabilela

eta bidean ageri diren lorratz batzuei jarraituz nabil

aulki batenak dira

begiratuta aulkia oso geldo paseatu dela iragarri dut.

Maldan ez dira marra luzeak besterik,

lau hankan jaitsi da

bizar luzez euria hasi du

eta lorratzak lurrunduz doaz

galdu dira.

Hotel aurrera aurkeztu naiz

eta han ikusi dut nola lurra leunduta dagoen

gelako giltza hartu

atea zabaldu eta

aulkia heldu berri, etzanda baina lehor topatu dut

hartu, zutitzen lagundu

eta eseri egin naiz,

nekatua eta bustia bainago.