Minetik ihesi

Begoña Amezua

Babes bila

ihesi urduri

etxeko hormek azpian arrapatu aurretik,

maiteak eskua luzatu orduko,

altxatu orduko.

Giltzak aldatu ditut

etxekoak bota

hotelekoak hartu

inor sar ez dedin nire orbainetan

Arropa odolduak, hautsiak

zaborretara

biluzik egon nahi dut

maindire arrotzen artean

zuritasunik bada indarrez zikintzeko

ezintasun labankadez

Ez nago inoren zai

ez nau inork itxaroten

gelaren zirrikituak zelatan ditut

gelaren isiltasuna ozen mintzo zait

Maitasunak lekurik balu

ez nuke bertan bizi nahi

sentimenduak herbesteratu ditut

sentimenduek jo naute

jo nau.