Musika eskolen topaguneko lehen ekitaldia egingo dute

KULTURA | Urola Kostako Hitza |  2008/05/16  08:46

Zumaiako, Azpeitiko eta Zestoako musika eskolek txistu, ballet, perkusio... erakustaldia egingo dute

Zumaiako, Azpeitiko eta Zestoako musika eskolen arteko topagunea egingo dute aurten lehen aldiz Zumaiko Maria eta Jose Ikastetxeko aretoan. Ekitaldia 19:00etan hasiko da eta estilo guztietako musikaz eta dantzez gozatzeko aukera izango dute bertara hurbiltzen direnek.

Ekimena Zumaiako Txori Txiki Musika Eskolak, Zestoako Ertxiña Musika Eskolak eta Azpeitiko Juan Antxieta musika eskolek antolatu dute.

Emanaldiak herrietan

Azpeitian Izarraitz Pilota Lekuan izango da emanaldia, larunbatean 19:00etan. Hau Asteburu Musikalaren egitarauaren baitan antolatu du Juan Antxieta Musika Eskolak eta hemen ere trikitixa, saxofoia, perkusioa, orkestra ... entzuteko aukera izango da. Horretaz gain, euskal dantzak ere prestatu dituzte ikasleek.

Maiatzaren 23an, ostirala, zestoarrek izango dute musika eskolen topagunean gozatzeko aukera, Laranjadi enparantzan egingo baita, 19:00etan.

ERANTZUNAK

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut