Batukada festa eta pintxo jana gay, lesbiana eta transexualen egunean

GIZARTEA | uztarria.com |  2007/06/27  11:55

Urola Kostako Koordinadora Feministak "sexualitatea askatasunez" bizitzeko eskubidea aldarrikatuko du

Bihar, ekainak 28 osteguna, gay, lesbiana eta transexualen harrotasun eguna ospatuko dute batean eta bestean. Urola-kostako koordinadora feministak, honen inguruan, jendarteak duen "tolerantziaren mozorroa erantzi eta sexualitatea aske bizitzearen aldarrikapenez jantzi" nahi ditu kaleak. Azpeitian ere eguna aitzakia hartuta, hainbat ekimen antolatu dituzte. Festa xumea izango da baina indar handikoa. Batukadaren danbor hotsen erritmoan pintxo jana egingo da 19:00-etan plazatik abiatuta.

Koordinadora feministaren arabera, Gay eta Lesbianen mugimenduak zenbait eskubide zibil lortu baditu ere, "kalean, modu publikoan, ez da horren islarik ikusten". "Kontrol sozialerako elementu nagusiak diren morala, hezkuntza sistema eta hedabideetan etengabeak dira familia monogamo heterosexual perfektua eraikitzea zoriontsu izateko beharrezkoa dela sinistarazten diguten mezuak".

Urola kostako koordinadora feministak "jendarte eredu horri buelta eman, gure mugak gainditu eta sexualitatea askatzeko, 'tolerantzia'ren mozorroa eranztera gonbidatu nahi ditu Urola Kostako herriak". "Ekainaren 28an mundu guztia kalera ateratzeko deia luzatzen dugu festa giroa aldarrikapenekin uztartuz, gure sentipenak askatasunez gozatu nahi ditugulako" azaldu dute.

Ostiralean afaria eta bertso kabareta Azkoitian

Azpeitiko batukada festaz gain, Urola Kostako koordinadora feministak ekimen gehiago antolatu ditu eskualdeko herrietan. Joan den ekainaren 23an Les-Gay akelarrea egin zuten Zarautzen. Ostiral honetan, berriz, afaria eta bertso kabareta egingo dituzte. Bertso kabareta Azkoitiko Zurt tabernan izango da, 22:30ean.

ERANTZUNAK

1.  amaiagarmendia - 2007-07-01 | 03:05 aupa gu .....hor izan nitzan eta benetan ondo pasa nuan . Esker mila antolatzaileai . 2.  amaiagarmendia - 2007-07-01 | 03:05 aupa gu .....hor izan nitzan eta benetan ondo pasa nuan . Esker mila antolatzaileai .

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut