Maiatzaren 2an Eskolarteko Bertso Jaialdia izango da

KULTURA | Uztarria |  2006/04/28  15:16

Ikasberri Azpeitiko Ikastolako, Karmelo Etxegarai Ikastolako eta Iraurgi Ikastetxeko 5. eta 6. mailako gazteek parte hartuko dute

Datorren asteartean, maiatzaren 2an, Eskolarteko Bertso Jaialdia ospatuko da Izarraitz Pilotalekuan, 19:00etan. Bertan, Ikasberri Azpeitiko Ikastolako, Karmelo Etxegarai Ikastolako eta Iraurgi Ikastetxeko 5. eta 6. mailako gazteek parte hartuko dute.

Bertso Jaialdia hiru ikastetxeek eta Udalak abian jarritako ahozkotasun eta bertsolaritza programa baten emaitza da. Urte osoan ikastetxeetako bertsolaritza eskoletan Jokin Uranga bertsolariarekin ikasitakoa jendaurrean praktikan jarriko dute gazteek.

ERANTZUNAK

Erantzuteko izena eman behar duzu Erabiltzaile-izena Pasahitza »» Pasahitza ahaztu zait »» Lehenengo aldia da eta alta eman nahi dut